مجتمع متكأ

ما فيه رسوم تسجيل، ولا اشتراك شهري ولا سنوي.

إضافة ورشتك أو تجربتك مجانية، وتعديلها كذلك، وتضيفين خدمات جديدة متى ما بغيتي.

متكأ تاخذ نسبة صغيرة من الحجز فقط. التفاصيل في شرح «يوصلك ٩٦٪ من سعر خدمتك».

المطلوب:
- الاسم الكامل: يظهر في متجرك، ونحوّل مستحقاتك باسمك.
- الجوال: نتواصل فيه معك عن حجوزاتك، وتقدرين تدخلين فيه بدل الإيميل.
- البريد الإلكتروني: للدخول، واسترجاع كلمة المرور، والتنبيهات المهمة.
- كلمة المرور: ٨ خانات أو أكثر.
- المنطقة والمدينة: العملاء يبحثون حسب مدينتهم، وتظهر في متجرك.
- الخبرات السابقة: نبذة بأسلوبك عن شغلك ومن متى تشتغلين. نقرأها وقت المراجعة، وتصير تعريفاً في صفحتك.
- صور من أعمالك (١ إلى ٦): نراجع كل طلب بأنفسنا قبل الاعتماد، حتى يثق العميل باللي يلقاه في متكأ.
- إقراران: عمرك ١٨ أو أكثر، وقرأتي الشروط وسياسة الخصوصية.

الاختياري:
- الحرفة: تعرّف العميل بمجالك من أول نظرة.
- حسابات التواصل: لو حابة العملاء يشوفون شغلك أكثر.
- الإثبات المهني: سجل تجاري أو رخصة حرفي أو رخصة عمل حر، أو «لا يوجد». ما يمنع التسجيل.
- الآيبان: نحتاجه قبل نشر أول خدمة. شرحه في «الآيبان: سجّلي بدونه، وأضيفيه قبل أول خدمة».

بعد الإرسال يصير طلبك «قيد المراجعة»، ونستهدف الرد خلال ٤٨ ساعة.

تقدرين تسجلين بدون آيبان.

لكن ما تنشرين خدمة قبل ما تضيفينه، وتنحفظ خدمتك مسودة لين تضيفينه.

تضيفينه مرة وحدة من «الملف الشخصي». يبدأ بـ SA وبعده ٢٢ رقم.

بعدها ينقفل، وتغييره يكون بالتواصل معنا. عشان ما يقدر أحد يدخل حسابك ويحوّل فلوسك لحساب ثاني.

لو سعر خدمتك ١٠٠ ريال، يوصلك ٩٦ ريال. ويظهر لك المبلغ تحت خانة السعر وأنتِ تضيفين الخدمة.

ما تدفعين شي من جيبك. العميل يدفع عن طريق المنصة، وبعد الجلسة تنخصم النسبة تلقائياً، والباقي مستحقك.

رسوم الدفع الإلكتروني يدفعها العميل فوق السعر، وتظهر له سطراً مستقلاً قبل الدفع. ما تنقص من حقك، بس السعر اللي يشوفه العميل يكون سعرك مضافاً له هالرسوم.

لو انلغى الحجز ورجع المبلغ كامل للعميل، ما نأخذ أي نسبة.

الحجز اللي يجيك من «طلبات العملاء» نسبته ٦٪، لأن متكأ هي اللي جابت لك العميل وطلبه.

بعد ما يخلص موعد الجلسة، نسأل العميل: تمّت أو ما تنفذت؟

إذا قال «تمّت»، يصير مستحقك جاهزاً.

وإذا ما رد خلال ٢٤ ساعة، نعتبر الحجز مكتملاً بدون ما تنتظرين رده.

مواعيد التحويل لحسابك البنكي بننشرها هنا أول ما نعتمد بوابة الدفع.

نشتغل على خدمات تساعدك في الجانب اللي ياخذ وقتك بعيد عن حرفتك.

هالخدمات قريباً، وبتكون برسوم. ما فتحت للحين.

لو تهمك وحدة منها، ادخلي «الخدمات» ثم «خدمات تقنية · قريباً» وسجلي اهتمامك. اللي يطلبها أكثر نبدأ فيها أول.